काठमाडौं, १ पुस । नेपाली कांग्रेसको १४औँ महाधिवेशनबाट निर्वाचित गगन थापा पार्टी कार्यालय पुगेका छन् । कांग्रेस केन्द्रीय निर्वाचन समितिका अनुसार गगनले ३०२३ र विश्वप्रकाशले १९८४ मत पाएर विजयी भएका हुन् । विजयी भएसँगै गगन र विश्वप्रकाशलाई बधाई दिनेको भिड लागेको छ । कार्यकर्ता तथा सुभेच्छुकले उनीहरुलाई कार्यकालको शुभकामना पनि दिएका छन् ।
पार्टी कार्यालयमा नेता/कार्यकर्ता र पत्रकाहरुबाट घेरिएका थापाले आफूलाई चुक्ने र थाक्ने सुविधा नभएको प्रतिक्रिया दिएका छन् । र, आफूले पाएको मतलाई न्याय गर्ने पनि विश्वासदिलाए । उनले भने,‘महामन्त्रीमा निर्वाचित भएपछि जिम्मेवारी पनि थपिएको छ, धेरै मत पाउनु भनेको जिम्मेवारी पनि धेरै पाउनु हो ।’ तस्विर : मुकुन्द कालिकोटे, रिपोर्टर्स नेपाल डटकम
