काठमाडौं, २ पौष । नेपाली कांग्रेसको १४औं महाधिवशेन अन्तर्गत भएको निर्वाचनको सहमहामन्त्री पदको मतगणना जारी रहेको छ ।
काँग्रेसको सहमहामन्त्रीमा हालसम्म मुस्लिमतर्फ फर्मुल्लाह मन्सुर अगाडि छन् । १२५८ मतगणना हुँदा उनले ७२३ मत प्राप्त गरेका छन् । उनका प्रतिस्पर्धी शेख वकिलले ५२९ प्राप्त गरेका छन् । मन्सुर सभापति शेरबहादुर देउवा पक्षधर हुन् ।
मधेसीतर्फ महेन्द्र यादव, रञ्जीत कर्ण, रामकृष्ण यादव, मुस्लिमतर्फ फरमुल्लाह मन्सुर र शेख वकिल त्यस्तै, खसआर्यतर्फ किशोरसिंह राठौर र देवराज चालिसे प्रतिस्पर्धामा छन् । यस्तै थारुबाट देउवा प्यानलबाट उमाकान्त चौधरी र कोइराला प्यानलबाट तेजुलाल चौधरी प्रतिस्पर्धामा छन् ।
