काठमाडौं, ३ पुस । साफ यू–१९ महिला फुटबल च्याम्पियनसिप अन्तर्गत नेपाले भुटानमाथी शारदार जित निकालेको छ ।
बंगलादेशको ढाकामा शुक्रबार भएको खेलमा नेपालले भुटानलाई ४–० गोल अन्तरले पराजित गरेको हो ।
खेलको दोस्रो मिनेटमै मेनुका आले मगरले गोल गर्दै नेपाललाई सुरुवाति अग्रता दिलाएकी थिइन् ।
खेलको १८औ मिनेटमा कुशुम खतिवडाले नेपालको अग्रता दोब्बर बनाइन् ।
खेलको २१औं मिनेटमा रजनी थोकरले गोल गर्दै ३–० को अग्रता दिलाईन ।
यस्तै, मेनुकाले ७२औं मिनेटमा व्यक्तिगत दोस्रो गोल गर्दै नेपाललाई ४–० को जित दिलाइन ।
यस जितसँगै नेपालले सात अंक जोडेको छ ।
आयोजक बंगलादेशको पनि तीन खेलमा सात अंक रहेको छ ।
नेपालले भोली (आइतबार) भारतको सामना गर्नेछ ।
भारतले ३ खेलमा दुई जीत र एक हार व्यहोर्दै ६ अंक जोडेको छ ।
