काठमाडौं, १० पुस । नेपालको महिला टोलीले एसियन सिनियर सेन्ट्रल जोन पुरुष तथा महिला भलिबल च्यालेन्ज कपमा लगातार तेस्रो जित निकालेको छ ।
शनिबार ढाकामा भएको खेलमा आयोजक बंगलादेशलाई ३–० को सोझो सेटमा हराउँदै नेपालले लगातार तेस्रो जित निकालेको हो ।
बंगलादेशमाथि नेपालले २५–५, २५–१५ र २५–१७ को सेटमा जित निकालेको हो ।
अब नेपालले आइतबार उज्वेकिस्तानको सामना गर्नेछ ।
नेपालले ३ खेलमा ८ अंक जोड्दै शीर्ष स्थानमा उक्लिएको छ ।
नेपालको पुरुष टोलीले आज श्रीलंकासँग प्रतिस्पर्धा गर्नेछ ।
