काठमाडौं, २५ पुस । स्पेनिस ला लिगा फुटबलमा बार्सिलोना ग्रानडासँग बराबरीमा रोकिएको छ ।
शनिबार राति भएको खेलमा बार्सिलोनाले ग्रानडासँग १–१ गोलको बराबरीमा रोकिएको हो ।
ग्रानडाको घरेलु मैदानमा भएको खेलमा सम्हालिन नसक्दा बार्सिलोना अंक बाड्न बाध्य भएको हो ।
खेलको ५७औं मिनेटमा लुक डी योङले गोल गर्दै बार्सिलोनालाई सुरुआती अग्रता दिलाएका थिए ।
७९औं मिनेटमा बार्सिलोना १० खेलाडीमा समेटिएको थियो ।
खेलको ८९औं मिनेटमा एन्टोनियो पुएरटासले गोल गर्दै ग्रानडालाई हारबाट जोगाएका थिए ।
यस बराबरीसँगै २० खेलमा ३२ अंक जोडेको बार्सिलोना छैटौं स्थानमा रहेको छ भने ग्रानडा २४ अंकका साथ १२औं स्थानमा छ ।
