एजेन्सी, २८ पौष । उत्तर कोरियाली शासक किम जोङ उनले हाइपरसोनिक मिसाइल परीक्षण अवलोकन गरेको तस्बीर सार्वजनिक भएको छ । उनले दुईवर्षयता पहिलोपटक यस्तो परीक्षणमा सहभागिता जनाएका हुन् जसको तस्बिर सार्वजनिक भएको छ ।
तस्बिरमा किम कालो पोशाकमा दुर्बिनबाट हेरिरहेको देखिन्छन् । उनी बन्द कोठाको शिशाबाट दृश्य अवलोकन गरिरहेका छन् ।
मंगलबार परीक्षण गरिएको मिसाइल संयुक्तराष्ट्रसंघले प्रतिबन्ध लगाएकोमध्ये पर्दछ । किमले उत्तरकोरियाको सैनिकको आधुनिकीकरणमा जोड दिदै आएका छन् ।
