काठमाडौं, २९ पुस । राष्ट्रिय जनमोर्चाको आगामी माघ १५ र १६ गतेलाई तय गरिएको सातै प्रदेशको प्रदेश सम्मेलन सारिएको छ । जनमोर्चाले सातै प्रदेशको प्रदेश सम्मेलन २२ दिन पछि सारेर फागुन ६ र ७ गते गर्ने भएको हो ।
जनमोर्चाले कोरोनाको नयाँ भेरियन्टको बढ्दो संक्रमण र कतिपय आवश्यक तयारी अभावमा सम्मेलन सार्नुपरेको जनाएको छ । पार्टीका अध्यक्ष चित्रबहादुर केसीले विज्ञप्ति जारी गर्दैै कोरोनाको ओमिक्रोन भेरियन्टका साथै तयारीका लागि सम्मेलन सारिएको जानकारी दिएका छन् ।
