काठमाडौँ, ७ माघ। नेकपा (एमाले)का उपमहासचिव प्रदीप ज्ञवालीले भौतिक पूर्वाधारमन्त्री रेणु यादवले दिएको गम्भीर अभिव्यक्तिमा प्रधानमन्त्रीको मौनता विडम्बनापूर्ण भएको बताएका छन् । उनले सामाजिक संजालमार्फत प्रधानमन्त्रीको मौनता विडम्बनापूर्ण भएको बताएका हुन्।
ट्वीटरमा उनले लेखेका छन्, ‘एकजना मन्त्रीले शान्तिपूर्ण विरोधमा उत्रिएका राजनीतिक दलका नेताहरूलाई अर्को ‘गौर नरसंहार’ गराएर हत्या गर्ने खुला धम्की दिनु जति आपत्तिजनक र बर्बरतापूर्ण छ, यति गम्भीर विषयमा सम्बन्धित दल र प्रधानमन्त्रीको मौनता उत्तिकै विडम्बनापूर्ण छ। अपराधलाई दुरुत्साहन गर्ने सबै गतिविधि बन्द होस् ।’ मन्त्री यादवले बुधवार रौतहटको गौरमा आयोजित कार्यक्रममा हिंसा भड्काउने खालको अभिव्यक्ति दिएकी थिइन् । उनले जनमत पार्टीका अध्यक्ष सीके राउतलाई हत्या गर्ने धम्की दिएकी थिइन् ।
एकजना मन्त्रीले शान्तिपूर्ण विरोधमा उत्रिएका राजनीतिक दलका नेताहरूलाई अर्को 'गौर नरसंहार'गराएर हत्या गर्ने खुला धम्की दिनु जति आपत्तिजनक र बर्बरतापूर्ण छ,यति गंभीर विषयमा सम्बन्धित दल र प्रधानमन्त्रीको मौनता उत्तिकै बिडम्बनापूर्ण छ।अपराधलाई दुरूत्साहन गर्ने सबै गतिविधि बन्द होस्!
