काठमाडौं, २० माघ । कतारमा आयोजना हुने फिफा विश्वकप छनोटमा अमेरिकाले होन्डुरसमाथि सहज जित निकालेको छ ।
कोन्काफ छनोटको प्ले अफ अन्तर्गत अमेरिकाले होन्डुरसलाई ३–० गोल अन्तरले पराजित गरेको हो ।
अमेरिकालाई जित दिलाउन वेस्टन म्याककेनी, वाल्कर जिमरम्यान र क्रिस्चियन पुलिसिचले एक एक गोल गरे ।
खेलको आठौं मिनेटमा वेस्टन म्याककेनीले गोल गर्दै अमेरिकालाई सुरुआती अग्रता दिलाएका थिए ।
खेलको ३७औं मिनेटमा वाल्कर जिमरम्यानले अमेरिकाको अग्रता दोब्बर बनाए ।
साथै, ६८औं मिनेटमा पुलिसिचले गोल गर्दै अमेरिकालाई ३–० को जित दिलाए ।
यस जितसँगै अमेरिका ११ खेलमा २१ अंक जोड्दै तालिकाको दोस्रो स्थानमा रहेको छ । यो सँगै अमेरिकाले विश्वकप छनोटको संभावना कायम नै राखेको छ ।
होन्डुरस ३ अंकका साथ तालिकाको पुछारमा छ ।
