काठमाडौं, ९ फागुन । नेपालले ग्लोबल ट्वान्टी ट्वान्टी क्रिकेट विश्वकपको छनोट अन्तर्गत सेमिफाइनलमा स्थान पक्का गरेको छ । क्यानडाविरुद्ध जीत निकाल्दै नेपालले सेमिफाइनलको यात्रा तय गरेको हो ।
नेपालले समूह एको तीनवटै खेल जितेको छ । यसअघि ओमान र फिलिपिन्समाथि नेपालले जित निकालेको थियो ।
आजको खेलमा नेपालले १५ ओभरमा क्यानडाको सबै विकेट लिएर ८० रनमा समेटेको थियो । जवाफी ब्याटिङमा नेपालले १४.१ ओभरमा ८१ रनको लक्ष्य हासिल गरेको थियो ।
नेपालका कुशल भुर्तेलले नट आउट रही ३७, दीपेन्द्र सिंह ऐरेले ३१ र असिफ शेखले १६ रन बनाएका थिए । सन्दीप लामिछानेले क्यानडाको ४ विकेट लिदा अविनाश बोहरा र कमल सिंह ऐरेले ३३ विकेट लिएका थिए ।
