एजेन्सी, १९ फागुन । युक्रेनमा रुसको आक्रमण लगातार आठौं दिन पनि जारी छ । पुटिनको सेनाले राजधानी कीभलाई घेरेको छ । केही घण्टाअघि सेनाले कीभको रेलवे स्टेशनमा मिसाइल प्रहार गरेको थियो। स्टेशनबाट मानिसहरूलाई उद्धार गर्ने क्रममा यो आक्रमण भएको हो।
यससँगै रुसी सेनाले खेर्सनलाई पनि कब्जामा लिएको छ, रुसपछि खेरसनका मेयर इगोर कोल्याखेभले रुसी सेनाले बन्दरगाह सहर कब्जा गरेको पुष्टि गरेका छन् । अर्कोतर्फ युक्रेनी राष्ट्रपति जेलेन्स्कीको कार्यालयले अझै पनि लडाइँ जारी रहेको विज्ञप्ति जारी गरेको छ ।
खार्किभ नजिकैको इजियम सहरमा रुसी हवाई आक्रमणमा दुई बालबालिकासहित आठ जनाको मृत्यु भएको छ ।
संयुक्त राष्ट्रसंघले मार्च १ यता युक्रेनमा रुसी आक्रमणमा ७५२ सर्वसाधारण मारिएको दाबी गरेको छ भने ४९८ रुसी सैनिकको मृत्यु भएको पुष्टि भएको छ ।
युक्रेनको किभमा रहेको ड्रुज्बी र नारोदिभ मेट्रो स्टेशन नजिकै दुईवटा विस्फोटको आवाज सुनिएको छ । संयुक्त राष्ट्रसङ्घका उच्चायुक्त फिलिपो ग्रान्डीले ट्वीट गर्दै भने, “केवल सात दिनमा हामीले १० लाख शरणार्थीहरू युक्रेनबाट छिमेकी देशहरूमा भागेको देख्यौं।
युक्रेनमा रुसको आक्रमणलाई ध्यानमा राख्दै विश्व बैंकले बेलारुस र रुसमा रहेका आफ्ना सबै परियोजनाहरु रोकेको छ ।
अमेरिकाले युक्रेनलाई १०० भन्दा बढी एन्टी–एयरक्राफ्ट स्टिङगर मिसाइलहरू उपलब्ध गराएको छ। युक्रेन युद्धको बीचमा अमेरिकी विदेशमन्त्री एन्टोनी ब्लिन्केन पोल्याण्ड, मोल्डोभा र बेल्जियमको भ्रमण गर्नेछन्।
आक्रमणसँगै शान्ति प्रयास पनि भइरहेका छन् । बेलारुस–पोल्याण्ड सीमामा दुवै देशका उच्च अधिकारीबीच भेटवार्ता भएको छ । यसअघि युक्रेनले रुसलाई पनि विश्वव्यापी इन्टरनेटमा प्रतिबन्ध लगाउन माग गरेको थियो, जसले गर्दा उसको झुटको प्रचार रोकियोस् ।
कीभमा तैनाथ युक्रेनी सेना। रुसी सेनाले कीभलाई चारैतिरबाट घेरेको छ । अमेरिकाले बेलारुसमाथि पनि प्रतिबन्ध लगाएको छ
युक्रेन युद्धलाई ध्यानमा राख्दै अमेरिकाले रुससँगै बेलारुसमाथि कडा प्रतिबन्ध लगाउने घोषणा गरेको छ । ह्वाइट हाउसले रुस र बेलारुसको रक्षा क्षेत्रको निर्यातमा प्रतिबन्ध लगाइएको जनाएको छ । जसमा लडाकु विमान, सेनाका सवारी साधनका पार्टपुर्जाहरू पर्छन्। युक्रेन र रुस युद्धको बीचमा अमेरिकाले पहिलो पटक बेलारुसमाथि प्रतिबन्ध लगाएको छ ।
जो बाइडेनले बेलारुसमाथि कडा प्रतिबन्ध लगाउने घोषणा पनि गरेका छन् । बाइडेनले रुसले विश्वको जग हल्लाउने प्रयास गरेको बताए ।
रसिया जेलेन्स्कीलाई युक्रेनको नेताको रूपमा स्वीकार गर्न तयार छ ।
रुसी विदेशमन्त्री सर्गेई लाभरोभले आफ्नो देश युक्रेनी राष्ट्रपति भोलोडिमिर जेलेन्स्कीलाई आफ्नो नेताको रुपमा स्वीकार गर्न तयार रहेको बताएका छन् । यति मात्र होइन, लाभरोभले रसिया जेलेन्स्कीको पूर्ण सुरक्षा गर्न पनि तयार रहेको आश्वासन दिएका छन् । अल जजिरालाई दिएको अन्तर्वार्तामा उनले युक्रेनले आफ्नो हतियारको जानकारी दिएमा हामी आक्रमण रोक्ने बताए ।
रुसले आवासीय भवनमा हवाई आक्रमण गरेको छ
रुसी वायुसेनाले युक्रेनको राजधानी कीभ नजिकैको एक आवासीय भवनमा क्ग्–द्दछ विमानबाट हवाई हमला गरेको छ। न्युयोर्क टाइम्सका अनुसार रुसी सेनाले युक्रेनमा रहेको सैन्य शिविरमा आक्रमण गर्ने तयारी गरिरहेको थियो तर कुनै गतिविधि नभएको कारण अपार्टमेन्टमा नै आक्रमण गरिएको थियो ।
