काठमाडौं,३० चैत्र । बलात्कारको मुद्दामा प्रहरीको हिरासतमा रहेका थुनवा उपचारको क्रममा वीर अस्पतालबाट फरार भएका छन् ।
सिन्धुपालल्चोक इन्द्रावती गाउँपालिका–३ कुन्चोकका ४५ वर्षीय राजेश तिरुवा आज बिहान वीर अस्पतालबाटै भागेका हुन् । उनलाई हिजो उपचारका लागि अस्पताल लगिएको प्रहरीले जनाएको छ ।
गत माघ १७ गते पक्राउ परेका तिरुवालाई पुर्पक्षको लागि अदालतले फागुनमा थुनामा पठाएको थियो । फरार तिरुवाको खोजी भइरहेको प्रहरीले जनाएको छ।
