काठमाडौं, ४ बैशाख । स्थानीय तहको निर्वाचन नजिकिएसँगै सत्ता गठबन्धनमा सिट बाँडफाँटबारे गृहकार्य सुरु भएको छ ।
गठबन्धनको आज बसेको बैठकले ६ महानगर र ११ उपमहानगरमा सिटको बाँडफाँटबारे छलफल गरेको थियो ।
महानगर र उपमहानगरमात्रै केन्द्रले सिटको टुँगो लगाउने गठबन्धनमा सहमति भएको छ ।
सोहीअनुसार गठबन्धनले भोलि (सोमबार) सम्म महानगरपालिका र उपमहानगरपालिकामा सिट बाँडफाँटको टुंगो लगाउने भएको छ ।
गठबन्धनमा अहिले चुनावी तालमेल पेचिलो विषय बनेको छ ।
कांग्रेसमा भने ६ वटै महानगरमा पार्टीले नेतृत्व छाड्न नहुने मत पनि देखिएको छ ।
तर, सभापति शेरबहादुर देउवाले भने सत्ता गठबन्धनबीच चुनावी तालमेल गरेर नै जानुपर्ने मत राखेका छन् ।
भोलिसम्म गठबन्धनबीच महानगर र उपमहानगरको सिट बाँडफाँटबारे टुँगो लाग्ने नेताहरुले बताएका छन् ।
