भरतपुर, २ जेठ । भरतपुर महानगरपालिकामा नेकपा एमालेका उम्मेदवार विजय सुवेदीले अग्रता बढाउँदै लगेका छन् । सुवेदीले नेकपा माओवादी केन्द्रकी उम्मेदवार रेनु दाहाललाई ६१ मतले पछि पार्दै अग्रता लिएका हुन् ।
पछिल्लो जानकारी अनुसार विजयले ४४०० मत ल्याएका छन् भने रेनु दाहालले ४३३९ मत प्राप्त गरेकी छिन् । त्यस्तै, स्वतन्त्र उम्मेदवार जगन्नाथ पौडेलले १९०० मत ल्याएका छन् ।
उपमेयरमा भने कांग्रेसले अग्रता लिइरहेको छ । कांग्रेसका चित्रसेन अधिकारीले ५१०३ मत ल्याएका हुन् । त्यस्तै, राप्रपाकी हिमला गुरुङले ३४८३ मत ल्याएकी छिन् ।
