काठमाडौं, ३ जेठ । भरतपुर महानगरमा मतगणना जारी छ । अहिलेसम्म १८ हजार ४७ मत गणना हुँदा मेयरमा नेकपा (माओवादी केन्द्र) की रेनु दाहालले अग्रता लिएकी छिन् । उनले ६ हजार १९ मत पाउँदा नेकपा (एमाले) का विजय सुवेदीले भने ५ हजार ९ सय ५६ मत प्राप्त गरेका छन । दाहाल र सुवेदीबीच सुरुदेखि नै उछिनपाछिन चलिरहेको छ । दाहालले सुवेदीलाई ६३ मतले पछि पारेकी छिन् ।
स्वतन्त्र उम्मेद्धवार जगन्नाथ पौडेलले भने २ हजार ९ सय ३७ मत ल्याएका छन् । त्यस्तै, उपमेयरमा कांग्रेसका चित्रसेन अधिकारीले ७ हजार ३ सय ४६ मत ल्याएका छन् । राप्रपाकी हिमला गुरुङले ४ हजार ८ सय ८३ मत ल्याएकी छिन् ।
