पोखरा, ३ जेठ । पोखरा महानगरपालिकाको प्रमुखमा एकीकृत समाजवादीका उम्मेदवार धनराज आचार्यले १३९१ मतान्तरले अग्रता लिइरहेका छन् । आचार्यले पछिल्लो मतपरिणाम अनुसार ९१६५ प्राप्त गरेका छन् ।
उनलाई पछ्याउँदै नेकपा एमालेका कृष्णबहादुर थापाले ७७७४ मत ल्याएका छन् भने राप्रपाका शंकर खरालले १०६१ मत प्राप्त गरेर तेस्रो स्थानमा छन् ।
महानगरको उपप्रमुखमा नेपाली कांग्रेसका कोपिला रानाभाटले ९४६१ मतसहित अग्रता लिइरहेकी छिन् । त्यस्तै, एमालेकी मञ्जुदेवी गुरुङले रानाभाटलाई पछ्याउँदै ८८३१ मत ल्याएकी छिन् । राप्रपाको उम्मेदवार रन्जना कुमारी सेन पौडेलले ९०० मत प्राप्त गरेकी छिन् ।
