एजेन्सी, १३ जेठ । बलिउड अभिनेत्री ऐश्वर्या रायले कुनै समय मोडलिङका लागि दिनको १५ सय रुपैया लिन्थिन् । त्यसबेलाको सम्झौताका तस्बिर सामाजिक सञ्जालमा भाइरल भइरहेका छन् । यसमा ऐश्वर्याको हस्ताक्षर छ । सम्झौतामा एक दिनको फोटो सुटका लागि १५ सय रुपैयाँ दिने भनिएको छ । सन् १९९२ मा ऐश्वर्या १८ वर्षकी थिइन् ।
ऐश्वर्या रायले पछिल्लो ३० वर्षमा बलिउडमा ठूलो स्थान हासिल गरिसकेकी छिन् । आफ्नो संघर्षका दिनमा ऐश्वर्या साना म्यागजिनका लागि मोडलिङ गर्थिन् । उनीहरुले दिनमा हजारदेखि डेढ हजार रुपैयाँसम्म कमाउने गरेकी थिइन् । तर, त्यो अवधिको हिसाबले यो रकम पनि कम थिएन । सामाजिक सञ्जालमा ऐश्वर्याको तारिफ गर्दै एक प्रयोगकर्ताले लेखेका छन्, ‘त्यतिबेला मेरो बुवाको मासिक कमाई ८ हजार रुपैयाँ थियो । १८ वर्षको उमेरमा यो स्थान हासिल गर्नु ठूलो कुरा होइन।
भाइरल तस्विरमा ऐश्वर्या सोनाली बेन्द्रे र तेजस्विनी कोल्हापुरेसँग क्याटलगको मोडलिङ गरिरहेको देखिएकी छिन् । त्यसपछि ऐश्वर्याले कृपा क्रिएशन्स नामक फर्ममा मोडलिङ गरेकी थिइन् ।
दुई वर्षपछि सन् १९९४ मा ऐश्वर्याले ठूलो स्थान हासिल गरिन् । उनी मिस वर्ल्ड चुनिएकी थिइन् । त्यसपछि उनलाई बलिउडबाट अफर आउन थाल्यो । त्यसपछि ऐश्वर्याले पछाडि फर्केर हेरिनन् ।
आजको समयमा ऐश्वर्या रायलाई बलिउडकी सबैभन्दा धनी अभिनेत्रीमा गनिन्छ । ऐश्वर्याको कुल सम्पत्ति ७ सय करोडभन्दा बढी छ । फिल्मबाट केही टाढा भए पनि ऐश्वर्याले विज्ञापन आदिबाट हरेक महिना १ करोड रुपैयाँ कमाउँछिन् ।
