काठमाडौं, भदौ २८ । चार दिने नेपाल भ्रमणका लागि नेपालमा रहेका चीनको राष्ट्रिय जन कांग्रेस स्थायी समितिका अध्यक्ष ली चान्सुआज उच्चस्तरीय राजनीतिक भेटघाटमा व्यस्त रहने भएका छन् ।
उनले आज प्रधानमन्त्री शेरबहादुर देउवा, पूर्वप्रधानमन्त्री एवं नेकपा (एमाले)का अध्यक्ष केपी शर्मा ओली र नेकपा (माओवादी केन्द्र)का अध्यक्ष पुष्पकमल दाहाल प्रचण्डसँग छुट्टाछुट्टै भेटवार्ता गर्ने कार्यक्रम रहेकोको छ ।
उनको सवारीको समयमा काठमाडौं उपत्यकाको विभिन्न भागमा सवारी आवागमनमा प्रभाव पर्ने देखिएको छ । सोमबार झन्डै दुई घण्टा सवारी जामको सास्ती खेपेका उपत्यकावासीले आजपनि ली बसेको सोल्टीमोडस्थित सोल्टी होटलदेखि बानेश्वरस्थित अन्तर्राष्ट्रिय सम्मेलन केन्द्र र वालुवाटारतर्फका सडकहरु बढी जाम झेल्नुपर्ने देखिएको छ ।
अहिले रविभवन सोल्टी होटल, कालीमाटी, टेकु, भोटेबहाल, त्रिपुरेश्वर, थापाथली, कुपण्डोल, माईतीघर, नयाँ बानेश्वर देखि तिनकुन आसपासका क्षेत्रमा सवारी आवागमन प्रभावित रहेको छ ।
त्यस्तै, अहिले विहान ११ बजे तिनकुने, नयाँ बानेश्वर, बबरमहल, सिंहदरबार, माईतिघर, थापाथली, त्रिपुरेश्वर, भोटेबहाल, टेकु, कालीमाटी, सोल्टी होटल, रविभवन सम्मको सवारी आवागमन प्रभावित हुनेछ ।
दिउँसो ३ बजे आसपास रविभवन, सोल्टी होटल, कालीमाटी, टेकु, भोटेबहाल, कुपण्डोल, त्रिपुरेश्वर, थापाथली, माईतीघर, बबरमहल, सिंहदरबार, भद्रकाली, पद्मोदयमोड आसपासका क्षेत्रमा सवारी आवागमन प्रभावित हुने छ ।
अपराह्न ४ बजे पद्मोदयमोड, भद्रकाली, सिंहदरबार, माईतीघर, बबरमहल, थापाथली, त्रिपुरेश्वर, कुपण्डोल, भोटेबहाल, टेकु, कालीमाटी, रविभवन र सोल्टी होटल आसपासका क्षेत्रमा पनि सवारी आवागमन प्रभावित हुनेछ ।
Photo: Rutin Of nepal Banda
