काठमाडौं, १२ कार्तिक । प्रधानमन्त्री शेरबहादुर देउवाकी पत्नी एवम् नेपाली कांग्रेसकी केन्द्रीय सदस्य डा. आरजु राणा देउवा भोलि जनकपुर जाने भएकी छिन् । छठ पर्व र चुनावी प्रचारप्रसारको विभिन्न कार्यक्रममा सहभागी हुन आरजु भोलि जनकपुर जान लागेको कांग्रेस नेतृ चन्दा चौधरीले जानकारी दिईन् ।
चन्दाले आरजु आफ्नै निमन्त्रणामा जनकपुर जान लागेको भन्दै भ्रमणको क्रममा जिल्लाका विभिन्न नेता तथा कार्यकर्ताहरुसँग अन्तरक्रिया गरिने पनि जनाईन् । जनकपुर बसाईको क्रममा आरजु सिताशरण होटेलमा बस्ने भएकी हुन् ।
भ्रमणको दोस्रो दिन सोमबार भने उनी महोत्तरीको मटिहानी पुग्ने कार्यक्रम रहेको छ । सो क्रममा उनी चन्दाको माइती घरमा पुग्ने जनाईएको छ ।
