ओनसरीलाई जिताउन प्रचण्डको आग्रह, विकासमा नेतृत्वदायी भूमिका खेल्ने विश्वास (भिडिओसहित)

काठमाडौं, १ मंसिर । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले काठमाडौं–२ की उम्मेदवार ओनसरी घर्ती मगरलाई जिताउन अपिल गरेका छन् । उनले ओनसरीलाई जिताए सो क्षेत्रको विकास र समृद्धि हुने विश्वास दिलाए ।

सत्ता गठबन्धनको अन्तिम चुनावी सभालाई सम्बोधन गर्दै प्रचण्डले ओनसरीमा प्रधानमन्त्री बन्ने क्षमता भएको पनि उल्लेख गरे । उनले भने,‘कमरेड ओनसरीलाई भर्खरै युवा उमेरदेखि चिन्छु । उहाँलाई मैले अगाडि बढाउन पहल गरेको थिएँ । उहाँ सभामुख कसरी हुनुभयो भन्ने कुरा मैले भनिराख्नु परेन । काठमाडौं-२ ले उहाँजस्तो सक्षम नेता अबसरको रुपमा नै छ । उहाँले यहाँको विकास र समृद्धिमा नेतृत्वदायी भूमिका खेल्नुहुन्छ । मेरो विचारमा परिस्थिति मिल्दै गएमा महिला प्रधानमन्त्री हुनसक्ने दृढता त्याग भएकै नेता हो ।’

https://www.facebook.com/prachanda.nepal/videos/1092276741347549