काठमाडौं,१२ कार्तिक । यति ब्रुवरीको उत्पादन अर्ना बियरले भोलिबाट काठमाडौंमा सुरु हुन लागेको टी-२० विश्वकप एसिया क्षेत्रको छनोटमा नेपाली खेलाडीलाई नगदसहितको पुरस्कार योजना सार्वजनिक गरेको छ ।
अर्नाले आइतबार सामाजिक सञ्जालमार्फत उक्त पुरस्कार योजना घोषणा गरेको हो । अर्नाले सार्वजनिक गरेको उक्त पुरस्कार योजनाअन्तर्गत नेपालले खेल्ने खेलहरुमा प्रत्येक एक रन बराबर १ हजार, एक चौकाको थप १० हजार, र एक छक्का बराबर थप २० हजार नगद दिने भएको छ ।
भने बलिङतर्फ प्रतयेक मेडन ओभरमा १० हजार दिने भएको छ । त्यस्तै प्रत्येक डट बलमा थप १ हजार र प्रत्येक विकेट बापत २५ हजार थप रकम पुरस्कार दिने पनि अर्नाले जनाएको छ । अर्नाले गत भदौमा सम्पन्न एसिया कपमा पनि चौका, छक्का र विकेट लिने खेलाडीलाई पुरस्कार प्रदान गरेको थियो ।
८ टिम सहभागी प्रतियोगीतामा शीर्ष स्थानमा रहने दुई टिम अर्को वर्ष वेष्ट इन्डिज र अमेरिकाले संयुक्तरुपमा आयोजना गर्ने विश्वकपमा छनोट हुनेछन् ।
नेपाल समूह ए मा रहेको छ । नेपाल रहेको समूहमा नेपालसँगै सिंगापुर, ओमान र मलेसिया रहेका छन् । भने समूह बी मा यूएई, हङकङ, बहराईन र कुवेत रहेका छन् ।
नेपालले आफ्नो पहिलो खेलमा सोमबार बिहान ९ बजे त्रिवि क्रिकेट मैदान कीर्तिपुरमा सिंगापुरविरु४ भिड्दैछ ।
