काठमाडौं, माघ १९। आईसीसी १९ वर्षमुनिको विश्व कप क्रिकेटको सुपर सिक्समा आज नेपालले आज भारतको सामना गर्दैछ । सुपर सिक्समा नेपालको यो अन्तिम खेल हो ।
नेपाली समयअनुसार दिउँसो पौने २ बजेबाट दक्षिण अफ्रिकाको ब्लोमफोन्टेनमा शुरु हुनेछ । यसअघि भएको सुपर सिक्सको खेलमा नेपाल बङ्गलादेशसँग ५ विकेटले पराजित भएको थियो ।
नेपालको सेमिफाइनल पुग्ने सम्भावना सुपर सिक्सअघि नै सकिएको थियो । समूह चरणको अन्तिम खेलमा अफगानिस्तानलाई एक विकेटले हराउँदै नेपाल सुपर सिक्समा पुगेको थियो ।
समूह चरणमा नेपाल पाकिस्तान र न्युजिल्यान्डसँग पराजित भएको थियो ।
