मोरङ, असार ४ । मोरङको ग्रामथान गाँउपालिकाका अध्यक्ष जयप्रकाश गच्छेदार थारुको निधन भएको छ । गत माघ १० गते ब्रेन ह्यामरेज भएर उपचार पछि घरमै अर्धचेत अवस्थामा रहेका गच्छेदारको सोमवार मृत्यु भएको नेपाली कांग्रेस मोरङका उपसभापति भक्तिनाथ माझीले जानकारी दिए।
गत स्थानीय निर्वाचनमा नेपाली कांग्रेसबाट निर्वाचित भएका गच्छेदार गत राष्ट्रिय सभाको निर्वाचन देखि विरामी रहेका थिए। उनको आज बिहान १० बजे दाह संस्कार गरिने बताइएको छ । दाह संस्कारअघि उनको पार्थिव शरिरलाई ग्रामथान गाँउपालिकामा आधा घण्टा राखिने उपसभापति भक्तिनाथ माझीले जानकारी दिए ।
