काभ्रे, १० असोज । काभ्रेमा भएको बलेरो दुर्घटनामा ६ जनाको मृत्यु भएको छ । दुर्घटनामा परि एक बालक घाइते भएका छन् भने अन्य १० जना सकुशल रहेका छन् ।
रोशी गाउँपालिका वडा नम्वर ३ शिखरआम्बोटेस्थित निङगालेभन्ने स्थानमा बा १४ च ९५५६ नम्बरको बोलेरो दुर्घटना भएको प्रहरीले जानकारी दिएको छ ।
विहान बनेपाबाट डाँडापारि जाने क्रममा करिब ११ बजेतिर बलेरो दुर्घटनामा परेको र घाइतेलाई उद्धार गरी अस्पताल लगिएको जिल्ला प्रहरी कार्यालय काभ्रेले जनाएको छ । घाईतेबालकलाई थप उपचारको लागि काठमाडौंमा ल्याउने तयारी भईरहेको प्रहरीले जनाएको छ ।
