नयाँ दिल्ली, ९ जेठ । भारतीय कंग्रेसका केन्द्रिय अध्यक्ष राहुल गान्धीले लोकसभा चुनावमा आफ्नो पार्टीको हार स्वीकार गरेको भन्दै भाजपा र मोदीलाई बधाई दिएका छन् ।
आज साँझ नयाँदिल्लीमा पत्रकार सम्मेलन गर्दै गान्धीले जनता मालिक भएकाले आज आदेश दिएको बताए। उनले चुनावमा जित हात पारेकोमा भारतीय जनता पार्टी र प्रधानमन्त्री नरेन्द्र मोदीलाई बधाई दिएका छन्। गान्धीले भने,‘मोदीजी र भाजपाको विचारले जितेको छ, म मोदीजी र भाजपालाई बधाई दिन्छु।’
उनले कंग्रेस कार्यकर्ता पनि नडराएर फेरि आफ्नो अभियानमा लाग्न भनेका छन्। उनले थप भनेका छनु‘नडराउनुस्। हाम्रो लडाइँ विचारको हो। भारतमा कंग्रेसको विचारधारामा विश्वास गर्ने धेरै मानिस छन्। हामी मिलेर एकदिन जित्नेछौं।’
