काठमाडौं, ९ मंसिर । साग खेलकुद शुरु हुन छ दिन बाँकी छ । काठमाडौं र पोखरामा आयोजना हुने खेलमा २८ खेलमा कुल १११९ पदकका लागि प्रतिष्पर्धा हुनेछ ।
साग खेलकुदमा सात देश सहभागी हुनेछन् । कुल ३१९ स्वर्ण पदक, ३१९ रजत र ४८१ काँस्य पदक राखिएको छ । सबैभन्दा धेरै ३८ स्वर्ण पदक पौडीतर्फ रहेको छ । एथलेटिकस, तेक्वान्दो र उसुतर्फ क्रमशः ३६, २९ र २२ स्वर्ण पदक समावेश छ ।
नेपालले मार्सल आर्टसमा सबैभन्दा बढी स्वर्ण पदक आशा राखेको छ । तेक्वान्दो, उसु, जुडो र कराँतेमा नेपालको पदक जित्ने बलियो सम्भावना छ । नेपाली खेल पदाधिकारीले कम्तिमा ५० स्वर्ण पदक जित्ने आशा राखेका छन् ।
बक्सिङमा यसपटक नेपालको बलियो सम्भावना रहेको छ । बक्सिङमा विदेशी प्रशिक्षकलाई प्रशिक्षणका लागि ल्याइएको छ । अन्य खेलमा पनि आवश्यक पर्दा विदेशी प्रशिक्षक ल्याइएको छ ।
पौंडीमा गौरिका केसीले पदक जित्ने बलियो सम्भावना रहेको छ । एथलेटिक्समा नेपालले मध्यम र लामो दूरीमा पदककको आशा राखेको छ ।
फुटबल र भलिबलमा नेपालले पदकको सम्भावना बोकेको छ । फुटबलमा पुरुष र महिला दुवै स्पर्धामा र भलिबलमा महिलातर्फको स्पर्धामा पदकको आशा राखेको छ ।
प्याराग्लाइडिङ हट्दा नेपाललाई घाटा परेको छ । नेपाल प्याराग्लाइडिङतर्फ बलियो छ ।
खेल स्वर्ण पदक
पौडी ३८
एथ्लेटिक्स ३६
तेक्वान्दो २९
उसु २२
भारत्तोलन २०
रेस्लिङ २०
बक्सिङ १६
कराते १९
जुडो १५
टेबल टेनिस ७
ब्याड मिन्टन ७
टेनिस ७
गल्फ ४
बास्केट बल २
३x३ बास्केट बल २
क्रिकेट २
फुटबल २
ह्याण्ड बल २
क्बड्डी २
खो खो २
भलिबल २
बिच भलिबल २
भारत्तोलन ५
