काठमाडौं, २२ पौष । मोटरसाइकल चोर्दै गरेको अवस्थामा युवक पक्राउ परेका छन् । काठमाडौं महानगरपालिका १५ चौमतीस्थित सडकबाट मोटरसाइकल चोरी गर्दै गरेको अवस्थामा काभ्रे तिमाल गाउँपालिका घर भएका २० वर्षीय युवराज तामाङलाई मंगलबार बिहान प्रहरीले पक्राउ गरेको हो ।
महानगरीय अपराध महाशाखा टेकु र महानगरीय प्रहरी वृत्त स्वयम्भुबाट खटिएको संयुक्त प्रहरी टोलीले तामाङले मोटरसाइकल चोरी गरी र्डोयाएर ल्याई रहेको अवस्थामा फेला पारी पक्राउ गरेको जनाइएको छ । प्रदेश नम्बर ३ ०२ ००२ प ३९५ नम्बरको मोटरसाइकलसहित रंगेहात पक्राउ परेका हुन् । यस सम्बन्धमा प्रहरीले थप अनुसन्धान गरिरहेको जनाएको छ ।
