काठमाडौं, ५ माघ । गृहसचिव प्रेमकुमार राई विदेश भएका कारण रोकिएको प्रहरीको सरुवा बढुवा अघि बढाउने गृहकार्य सुरु भएको छ । थाइल्याण्ड भ्रमणमा गएका सचिव राई आइतबार फर्किएका छन् ।
स्रोतका अनुसार आजैदेखि सरुवा बढुवाको गृहकार्य सुरु भइसकेको छ । प्रहरीमा डिआईजीसहितका दर्जनौं उच्च पदहरु रिक्त छन् । प्रहरी महानिरीक्ष सर्वेन्द्र खनाल पनि अवकाश हुनुभन्दा पहिले नै बढुवा गरेर आफु निकट केही अधिकृतलाई गुन लगाउने पक्षमा छन् । अब उनको जागिर २४ दिन मात्र बाँकी छ ।
बढुवासँगै सरुवाको समेत तयारी भइरहेको छ । महानगरीय प्रहरी परिसर काठमाडौं र महानगरीय अपराध महाशाखाको सरुवामा दौडधुप चलेको छ । जसका प्रमुख दाबेदार श्याम ज्ञवाली, किरण बज्राचार्य, उमेश जोशी, दीपक थापा लगायत छन् । प्रहरी महानिरीक्षक खनालले भने जोशी र थापालाई पठाउने तयारी गरेका छन् ।
त्यस्तै विवादका कारण एक महिनादेखि चितवन एसपीविहिन छ । गंगा पन्तलाई खनालले सरुवा गरेकोमा प्रचण्ड परिवारले अस्वीकार गरेपछि विवाद भएको हो । चितवन प्रचण्ड र गृहमन्त्री बादलको गृह जिल्ला हो ।दृष्टिबाट
