काठमाडौं, माघ १८ । पश्चिमी निम्न चापीय प्रणाली सक्रिए भएसंगै देशभरको मौसममा बदली भएको छ । हाल देशको मध्य तथा पुर्वी पहाडी भू-भागमा आशिंक देखि सामान्य बदली रहेको छ।
शनिबार दिनभर देशभर आशिंक बदली रहनेछ। देशको पहाडी भू-भागका थोरै स्थानहरुमा हल्का वर्षाको संभावना रहेको जल तथा मौसम विज्ञान विभाग मौसम पूर्वानुमान महाशाखाले बताएको छ भने उच्च पहाडी तथा हिमाली भू-भागमा हल्का हिमपातको संभावना रहेको छ।
यस्तै आज राती उच्च पहाडी तथा हिमाली भू-भागमा आंशिक देखि सामान्य बदली रही हल्का हिमपातको सम्भावना रहेको छ। बाँकी भू-भागमा मौसम सामान्यतया सफा रहनेछ।
तराईका केही स्थानहरुमा हुस्सुरकुहिरोका कारण घाम राम्रो सँग नलाग्ने भएकोले चिसो बाट बच्ने उपाय अपनाउनु हुन मौसम पूर्वानुमान महाशाखाले अनुरोध गरेको छ । साथै पहाडी भू-भागमा हल्का वर्षा र उच्च पहाडी र हिमाली भू-भागमा हल्का हिमपातका कारण तापक्रममा गिरावट आउन सक्ने हुनाले सावधानी अपनाउन हुन महाशाखा ले अनुरोध गरेको छ ।
