काठमाडौँ, ३१ वैशाख । संस्कृतिविद् सत्यमोहन जोशी मङ्गलबारदेखि १०१ वर्षमा प्रवेश गर्नुभएको छ । बन्दाबन्दीका कारण यस वर्ष औपचारिक कार्यक्रमको आयोजना नभए पनि परिवारबीच नै अण्डा, माछा लगायत सगुन खुवाएर संस्कृतिविद् जोशीको जन्मोत्सव मनाइएको छ ।
वि. सं. १९७७ वैशाख ३० गते पाटनको बखुम्बहालमा माता राजकुमारी र पिता शङ्करराज जोशीका सुपुत्रका रूपमा उनको जन्म भएको थियो । गत वर्ष ललितपुर महानगरपालिकाले एक सयौँ जन्मोत्सवका अवसरमा सार्वजनिक बिदाको घोषणासँगै नगर परिक्रमा गराई उहाँप्रति सम्मान जनाएको थियो । साथै नेपाल राष्ट्र बैङ्कले उनको तस्बिर अङ्कित सिक्का सार्वजनिक गरेको थियो । (गोरखापत्रबाट)
