धरान, जेठ १७। कोरोना संक्रमण पुष्टि भएका झापाका २७ जना कोरोना संक्रमितहरुलाई वीपी कोइराला स्वास्थ्य विज्ञान प्रतिष्ठानले ११ घण्टा पछि मात्रै भर्ना लिएको छ । यो सँगै प्रतिष्ठानमा उपचाररत कोरोना संक्रमित बिरामीको संख्या ९४ पुगेको छ ।
हिजो राती १० बजे नै प्रतिष्ठान पुगे पनि प्रतिष्ठानले भर्ना लिन नमानेपछि संक्रमितहरु रातभर गाडीमा नै बसेका थिए ।
आज बिहान सामाजिक विकास मन्त्री जीवन घिमिरे प्रतिष्ठानमै पुगेर घटनाबारे सोधखोज गरेपछि मात्र करिब ९ बजेतिर संक्रमितहरुलाई आइसोलेसन वार्डमा भर्ना गरिएको छ । मन्त्री घिमिरे बिहान करिब ७ बजेतिर प्रतिष्ठान पुग्दा कोही पनि पदाधिकारीहरु उपस्थित थिएनन् ।फोटोः समाजिक सञ्जालबाट
