काठमाडौं, ५ असार । नेपालमा कोरोना भाइरसको संक्रमित संख्या ८ हजार २ सय ७४ पुगेको छ । आज ४ सय २६ जना संक्रमित थपिएको स्वास्थ्य मन्त्रालयले जानकारी दिएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आज थपिएकामा पुरुष ३ सय ३८ र महिला ८८ जना छन् ।
यसअघि हिजो सर्वाधिक ६ सय ७१ जना संक्रमित थपिएसँगै कुल संक्रमित संख्या ७ हजार ८ सय ४८ पुगेको थियो ।
यसैगरी, अहिलेसम्म २२ जना संक्रमितको मृत्यु भएको छ । जसमध्ये १७ पुरुष र ५ महिला छन् ।
