काठमाडौं, १८ भाद्र । कोरोना भाइरसको संक्रमणबाट आज छ जनाको मृत्यु पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार ४ महिला र २ पुरुषको मृत्यु भएको हो ।
आज मृत्यु भएकासँगै अहिलेसम्म देशभर कोरोना संक्रमणबाट मृत्यु हुनेको संख्या २ सय ५७ पुगेको छ । जसमध्ये एक सय ८७ पुरुष र ७० महिला छन् । देशमा कोरोना संक्रमणबाट मृत्यु हुनेको दर ०.६० पुगेको प्रवक्ता गौतमले जनाएका छन् ।
