एजेन्सी, ४ मङ्सिर। अमेरिकी फार्म कम्पनी फाइजर र जर्मन कम्पनी बायोएनटेकको संयुक्त प्रयासमा बनेको कोरोना भ्याक्सिन तेस्रो चरणकमो ट्रायलमा ९५ प्रतिशत प्रभावकारी प्रमाणित भएको छ । कम्पनीका अनुसार, भ्याक्सिन वृद्ध मानिसहरुमा पनि प्रभावकारी रह्यो ।
उक्त भ्याक्सिनबाट कुनै पनि प्रकारको सिरियस साइड इफेक्ट नरहेको बताइएको छ। योसँगै फाइजर यसै वर्ष ५ करोड डोज बनाउने तयारीमा रहेको छ ।
फाइजरले स्वयमसेवकहरुलाई भ्याक्सिनको पहिलो डोज दिइएको २८ दिनपछि त्यसलाई कारोनाबाट बचाउनमा ९५ प्रतिशत प्रभावकारी पाइयो । कम्पनीका अनुसार, यस सफलताका साथै त्यहाँ यूएस फूड एण्ड ड्रग एडमिनिस्ट्रेशन (यूएसएफडीए) का तर्फबाट इमरजेन्सी स्वीकृती हासिल गर्न सक्नेछ ।
फाइजरको तेस्रो चरणको ट्रायल २७ जुलाईबाट सुरु भएको थियो । यसमा ४३ हजार ६६१ जना मानिसहरु शामिल रहेका थिए ।-मेरोलगानी/Photo: Agency
