काठमाडौं, ३ फागुन । नेपालमा धर्म संस्कृतिको मुद्दा जोडतोडले उठिरहँदा भारतीय जनता पार्टीबाट प्रभावित भई हिन्दुवादी विचारधाराको दल खोलिने भएको छ । हिन्दुवादी युवाहरुको पहलमा लामो प्रयास पछि दल खोलिने भएको हो ।
नेपाललाई हिन्दु राष्ट्रबाट धर्मनीरपेक्ष राज्य घोषणा गरेपछि राजनीतिमा धर्मको मुद्दाले बढी स्थान बनाउँदै जाँदा हिन्दुवादी दल खोल्ने तयारी भएको हो । संविधानसभाले बनाएको संविधानमा नेपाल धर्मनीरपेक्ष उल्लेख छ । यसप्रति हिन्दुवादीहरुले असन्तुष्टि जनाउँदै आएका छन् । यही असन्तुष्टिले हिन्दुवादीहरुलाई दल खोल्ने ऊर्जा मिलेको बताइएको छ ।
नेपाललाई हिन्दु राष्ट्रबाट धर्मनीरपेक्ष राज्य घोषणा गरेपछि राजनीतिमा धर्मको मुद्दाले बढी स्थान बनाउँदै जाँदा हिन्दुवादी दल खोल्ने तयारी भएको हो । देशभर संगठन बनाएर सनातन धर्म संस्कृतिको मुल मुद्दा रहने गरी खोल्ने पहल भइरहेको दललाई भारतीय जनता पार्टीको पनि सद्भाव रहने बुझिएको छ । तर, नयाँ खुल्न लागेको दल भारतबाट नभई नेपालमै जन्मने बुझिएको छ । यो दल हिन्दुवादी विचारधाराबाट प्रभावित भई राष्ट्रवादलाई मूल मुद्दा बनाएर चल्ने बुझिएको छ ।
‘नेपालमा भाजपा सरकार गठन गर्ने’ भन्दै भारतका विप्लवले ल्याइदिए तरंग
धर्म, संस्कृति र राष्ट्रवादप्रति चिन्तनशील युवाहरुको ठुलो समूह दलमा रहने विश्वस्त स्रोतले जनाएको छ । उनीहरुले समाजका विभिन्न तह र तप्काका व्यक्तिहरुको समेत साथ रहेको बुझिएको छ ।
विगतमा नेपाली काँग्रेस र नेपाल कम्युनिस्ट पार्टी भारतका दलहरुबाट प्रभावित भई भारतमै जन्मिएका थिए ।
समाजवादी विचारधाराबाट प्रभावित भई नेपाली काँग्रेसको जन्म भारतको बनारसमा भएको थियो । वीपी कोइरालाले २०१६ को असोजमा पटनाबाट प्रकाशित हुने द सर्च लाइट पत्रिका मार्फत भारतमा रहेका नेपालीहरुलाई संगठित गर्ने उद्देश्यले नेपालीहरुको अखिल भारतीय संगठन निर्माणका निम्ति गरेको आव्हानबाट काँग्रेसको जन्मको प्रारम्भ भएको पाइन्छ ।
१५ कात्तिक २००३ मा बनारसमा बस्ने नेपालीहरुलाई संगठित गरी देविप्रसाद सापकोटाको सभापतित्वमा अखिल भारतीय नेपाली राष्ट्रिय काँग्रेस बनारसमा स्थापना भएको थियो । पछि काँग्रेसको नेतृत्व वीपी कोइरालाले गरेका थिए । भारतको स्वतन्त्रता संग्रामका दौरान त्यहाँको परिवर्तनका लागि सक्रिय नेपाली युवाहरुले काँग्रेसको स्थापना गरेका थिए । जयप्रकाश नारायण, राम मनोहर लोहिया जस्ता समाजवादी विचारक नेताबाट प्रभावित भई काँग्रेसको स्थापना भएको थियो ।
यसैगरी, १० वेशाख २००६ सालमा नेपाल कम्युनिस्ट पार्टीको स्थापना भारतको कलकत्तास्थित श्यामबजारमा भएको थियो । पुष्पलाल श्रेष्ठ, निरञ्जन गोविन्द वैद्य, नारायण विलास जोशी र नरबहादुर कर्माचार्य मिलेर स्थापना गरेका थिए । माक्र्सवाद, लेनिनवाद र माओवाद विचारधाराको नेपाल कम्युनिस्ट पार्टी बंगालमा विकास भएको कम्युनिस्ट विचारधाराबाट प्रभावित भएर स्थापना भएको हो ।
