काठमाडौं, २५ असार । नेपाल प्रहरीको एआइजीमा सहकुल थापाको बढुवा भएको छ । बिहिबार साँझ बसेको मन्त्रिपरिषद्को बैठकले थापालाई एआइजीमा बढुवा गरेको हो ।
थापाको बढुवासँगै भावी आइजीपीमा एआइजी विश्वराज पोखरेल र उनीबीच प्रतिष्पर्धा हुने निश्चित भएको छ । सरकारले एआइजीको दरबन्दी थपेर थापालाई बढुवा गरेको हो ।
नेपाल प्रहरीमा विगतमा ३ एआइजी रहेकोमा विश्वराज पोखरेललाई बढुवा गर्न एउटा दरबन्दी थपिएको थियो । अहिले फेरि थापालाई बढुवा गर्न दरबन्दी थपिएको हो ।
