एजेन्सी, १० कात्तिक । स्पेनिस ला लिगा फुटबलमा आज बार्सिलोना र रायो भालेकानोको बिच प्रतिस्पर्धा हुँदैछ । भालेकानोको घरेलु मैदानमा हुने यस खेल नेपाली समय अनुसार राति १०ः४५ बजेबाट सुरु हुनेछ ।
बार्सिलोनाले यस अघिको खेलमा आफ्नै घरेलु मैदानमा रियल मड्रिडसँग १–२ गोल अन्तरले पराजित भएको थियो । ९ खेलमा ४ जित २ हार र ३ बराबरीसँगै बार्सिलोना १५ अंकका साथ ९ औं स्थानमा रहेको छ । बार्सिलोना आजको खेलमा भालेकानोलाई घरेलु मैदानमा हराउने प्रयास गर्नेछ ।
यस्तै, रायो भालेकानो ५ जित र ४ हार सँगै १६ अंकका साथ ८ औं स्थानमा रहेको छ । अंक तालिकामा बार्सिलोना केही कमजोर देखिएको छ । बार्सिलोना भन्दा एक स्थान माथि रहेको भालेकानो अझै माथि जाने दाँउमा छ ।
साथै, १० खेलमा ६ जित, १ हार र ३ बराबरीसँगै रियल सोसिडाड २१ अंकका साथ शीर्ष स्थानमा रहेको छ भने रियल मड्रिड २० अंकका साथ दोस्रो स्थानमा रहेको छ ।
