काठमाडौं, मंसिर २८। नेपाली कांग्रेसको १४औं महाधिवेशनअन्तगर्त सभापतिको लागि भइरहेको मतगणनामा शेरबहादुर देउवाले ९९१ मतसहित अग्रता कायमै गरेका छन् ।
२१०६ मतको गणना सकिदा शेखर कोइरालाले ७६२ मतका साथ पछ्याइरहेका छन् । सभापतिका प्रत्यासी प्रकाशमान सिंहको १७४, विमलेन्द्र निधिको १३७ र कल्याण गुरुङको ९ रहेको छ ।
कांग्रेस सभापतिमा निर्वाचित हुन कुल खसेकोमध्ये ५१ प्रतिशत मत अर्थात् कम्तिमा २३४० मत आवश्यक पर्छ ।
मंगलबार बिहान ४ बजेदेखि सभापतिको मतगणना सुरू गरिएको थियो । महाधिवेशनमा ४ हजार ७ सय ४३ जना मतदातामध्ये ४ हजार ६ सय ७९ ले मत खसालेका छन् ।
