काठमाडौं, २ माघ । प्रधानमन्त्री कप राष्ट्रिय क्रिकेट प्रतियोगितामा सुदुरपश्चिम प्रदेशले प्रदेश १माथि जित निकालेको छ ।
क्रितिपुर स्थित टियू क्रिकेट मैदानमा भएको खेलमा सुदुरपश्चिमले ७ विकेटको जित निकालेको हो ।
आईतबारको खेलमा १ सय ५९ रनको लक्ष्य सुदुरपश्चिमले १९.१ ओभरमा ३ विकेट गुमाएर पुरा गर्यो ।
सुदुरपश्चिमका लागि राजु रिजालले सर्वाधिक ६८ रनको योगदान गरे भने कप्तान सन्तोष भट्टले ४८ रन जोडे ।
साथै, अर्जुन साउद २६ रन जोड्दै अविजित रहेका थिए ।
प्रदेश १ का लागि कमल खत्री, फिर्दोस अन्सारी, मुकुन्द यादवले एक–एक विकेट लिए ।
यस अघि ब्याटिङ गरेको प्रदेश १ का लागि मुकुन्द यादवले सर्वाधिक ३४ रनको योगदान गरे ।
साथै, सोनु अन्सारीले ३१ रन जोडे भने अंकित सुवेधीले २३ रन जोडेका थिए । यस्तै, मनिस थापामाले १२ बलमा २३ रन बनाए ।
विबेक आनन्द मेहता ७ रनमा पबिलियन फर्किए ।
यस हारसँगै प्रदेश १ को सेमिफाइनल पुग्ने संभावना पनि सकिएको छ ।
