बारा, माघ ११ । बिहेमा बेहुला चढ्नका लागि बनाईएको रथले किचेर बारामा दुई जनाको मृत्यु भएको छ । रथले किच्दा १६ जना घाइते भएका छन्।
बाराको आदर्शकोतवाल गाउँपालिका–३ मा सोमबार राति रथले किचेर सिम्रौनागढ नगरपालिका– ७ की २३ वर्षीया शैलकुमारी राम र आदर्शकोतवाल–७ की १६ वर्षीया निलम कुमारी रामको मृत्यु भएको हो।
प्रहरीका अनुसार स्थानिय सियाराम महराको छोराको बिहे लिएर निक्नुअघि नै रथ अनियन्त्रित भएर दुर्घटना भएको हो।
