काठमाडौं, १४ फागुन । इंग्लिस प्रिमियर लिग फुटबलमा साउथह्याम्पटनले नर्विच सिटीमाथि सहज जित निकालेको छ ।
शुक्रबार राति भएको खेलमा साउथह्याम्पटनले नर्विच सिटीलाई २–० गोल अन्तरले पराजित गरेको हो ।
खेलको ३६औं मिनेटमा चे एडम्सले गोल गर्दै साउथह्याम्पटनलाई सुरुआती अग्रता दिलाएका थिए ।
त्यसपछि खेलको ८८औं मिनेटमा रोमेउले गोल गर्दै टोलीलाई २–० को जित दिलाए ।
यस जितसँगै साउथह्याम्पटनले २६ खेलमा ३५ अंक जोड्दै नवौं स्थानमा रहेको छ ।
नर्विच १७ अंकका साथ तालिकाको पुछारमा रहेको छ ।
