काठमाडौं, वैशाख ३० । प्रमुख निर्वाचन आयुक्त दिनेश थपलियाले भक्तपुरको मध्यपुरथिमि–१ लोकन्थलीस्थित उपस्वास्थ्यचौकी मतदानस्थलबाट मतदान गरेका छन् ।
उनले बिहान ७ बजे उक्त मतदानस्थलको ख केन्द्रमा मतदान गरेका हुन् । सो अवसरमा सञ्चारकर्मीसँग कुराकानी गर्दै उनले पाँच वर्षपछि आफ्नो ठाउँको प्रतिनिधि चयन गर्न पाउँदा गर्व लागेको बताएका छन्।
उनले आम मतदातालाई उत्साहपूर्वक मतदानमा भाग लिनसमेत आह्वान गरेका छन् । मतदान गर्नुअघि उनले मतदानस्थलको अवलोकन समेत गरेका थिए ।
