काठमाडौं, ४ जेठ । भरतपुर महानगरपालिकाको मेयरमा रेनु दाहालले २२०५ मतको अग्रता लिएकी छिन् ।
३१ हजार ७ सय ९३ मत गणना गर्दा दाहालले ११ हजार ७ सय ५० मत ल्याएकी छिन् ।
एमालेका विजय सुवेदीले भने ९ हजार ५ सय ४५ मत ल्याएका छन् ।
दाहाल र सुवेदीबीच २२०५ मतको अन्तर छ ।
उता, स्वतन्त्र उम्मेद्धवार जगन्नाथ पौडेलले भने ५ हजार १ सय ७१ मत ल्याएका छन्।
उपमेयरमा कांग्रेसका चित्रसेन अधिकारीले १३ हजार ९ सय ३८ मत ल्याएका छन् ।
राप्रपाकी उम्मेद्धवार हिमला गुरुङले ७ हजार ७ सय ५० मत ल्याएकी छिन् ।
