काठमाडौं, कात्तिक ७ । नेपालका लागि अमेरिकी राजदूत डिन थम्प्सन र उनको परिवारले पनि कुकुर तिहार मनाएको छ । अमेरिकी दूतावास काठमाडौंले राजदूत थम्प्सनको परिवार कुकुर तिहारको उत्सवमा सामेल भएको तस्विर सार्वजनिक गरेको छ ।
अक्टोबरको दोश्रो साता नेपाल आएका उनीहरुले हिन्दु परम्परा अनुसार आफ्नो पारिवारिक कुकुर बोगीलाई माला लगाइदिएका छन् ।
थम्प्सनले यसैसातादेखि नेपालका लागि अमेरिकी राजदूतका रुपमा कार्यभार सम्हालेका थिए । यम पञ्चकको पहिलो दिन बुधबार कुकुर पूजा गरिएको छ । हिन्दु धर्मावलम्बीहरुले यमराजको दूतका रुपमा कुकुरको पूजा गर्ने संस्कृति छ ।
तस्वीर: अमेरिकी दूतावास, काठमाडौं
