काठमाडौं, १४ चैत्र । गाउँपालिका महासंघ कोशी प्रदेशको सह सचिवमा ओखलढुंगाकी अस्मिता थापा निर्वाचित भएकी छन् । लिखु गाउँपालिकाका उपाध्यक्ष थापा महासंघको प्रदेश सहसचिवमा निर्विरोध निर्वाचित भएकी हुन् ।
विराटनगरमा सम्पन्न गाउँपालिका महासंघको दोस्रो प्रदेश अधिवेशनले निर्विरोध नेतृत्व चयन गरेको हो । नेपाली कांग्रेसले अध्यक्ष र उपाध्यक्षसहित १० पद पाएको छ । एमालेले सचिव र सहसचिवसहित ७ पद पाएको छ ।
यस्तै, नेकपा (माओवादी केन्द्र) ले कोषाध्यक्षसहित ३ र नेकपा (एकिकृत समाजवादी) ले १ सदस्य पाएको छ । थापा लिखु गाउँपालिका ओखलढुंगाकी उपाध्यक्ष हुन् ।
