काठमाडौं, ६ असोज । नेपाल क्रिकेट संघ (क्यान) को अध्यक्षमा चतुरबहादुर चन्द सर्वसम्म्त निर्वाचित भएका छन् ।
चन्दको यो दोस्रो कार्यकाल हो । आज (शनिबार) भएको निर्वाचन प्रक्रियामा भाग लिने क्रममा उनी निर्विरोध निर्वाचित भएका हुन् ।
यसअघि अध्यक्षमा विनय राजभण्डारीले पनि उम्मेद्वारी दिने घोषणा गरेका थिए ।
तर, निर्वाचनकै दिन राजभण्डारीले आफ्नो उम्मेदवारी नदिने निर्णय गरेपछि चन्द अध्यक्षमा सर्वसम्म्त निर्वाचित भएका हुन् ।
यस्तै, क्यानको उपाध्यक्षमा रोशनबहादुर सिंह निर्विरोध निर्वाचित भएका छन् ।
संघको कोषाध्यक्षमा पदमबहादुर खड्का निर्विरोध निर्वाचित भएका छन् ।
