काठमाडौं,१ पुस । लोकप्रिय गायक तथा सङ्गीतकार डिआर सुजनको नयाँ गीत ‘सेतो रौँ’ सार्वजनिक भएको छ ।
नेपाली युवा किन विदेशिन बाध्य हुन्छ भन्ने कुरा सुजनको गीतको कथामा समेटिएको छ । सुजनसँगै गीतमा टीका पुन, धर्म गन्धर्वको आवाज रहेको छ ।
सङ्गीत, शब्द तथा निर्देशन सुजनकै रहेको गीतको भिडियोमा जयकिसन बस्नेत, देशभक्त खनाल, रामबाबु रेग्मी, भगवती खड्का र सुजन स्वयम्को अभिनय रहेको छ ।
विगत एक दशकअघिदेखि गीत सङ्गीतमा लागेका सुजन देशको यथार्थमा केन्द्रित भएर कथावस्तु लेख्ने गर्छन । उनले बाउआमा, फुली नाकैमा, दुखी बाहुन, परदेशी काँईलो, मेरो बाबा, उडेको चरी, नेपाली हाम्रो जात जस्ता थुप्रै चर्चित गीत निकालेका छन् ।
