काठमाडौं,८ पुस । प्रधानमन्त्री पुष्पकमल दाहाल प्रचण्डले नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीसँग सामूहिक छलफल गरेका छन् ।
आइतबार विहान प्रधानमन्त्रीसमेत रहेका माओवादी अध्यक्ष प्रचण्ड, नेकपा एमालेका अध्यक्ष अोली र नेपाली कांग्रेसका सभापति देउवाबीच भेटवार्ता भएको हो ।
भेटमा कांग्रेसका प्रमुख सचेतक रमेश लेखक पनि सहभागी छन् । भेटमा समसामयिक राजनीतिक विषयमा र टीआरसी विधेयक टुंगोमा पुर्याउनेबारेमा छलफल हुने प्रधानमन्त्री प्रचण्डको सचिवालयले जनाएको छ ।
