काठमाडौं, माघ २३ । नेकपा (माओवादी केन्द्र)को संसदीय दलको बैठक आज पनि बस्दै छ । संसदीय दलको कार्यालय सिंहदरबारमा अहिले बिहान ९ बजे बस्ने बैठकमा सांसद्हरुले हिउँदे अधिवेशनका सन्दर्भमा आफ्नो धारणा राख्दैछन् ।
सोमबारदेखि सुरु भएको बैठकमा संसदीय दलका नेता एवं प्रधानमन्त्री पुष्पकमल दाहाल ‘प्रचण्ड’ले हिउँदे अधिवेशनका सन्दर्भमा सरकारले गरेको तयारीका विषयमा जानकारी गराएका छन्। हिजोको बैठकमा सङ्घीयता कार्यान्वयनसँग सम्बन्धित विधेयक, शिक्षा, प्रहरी समायोजन, निजामती कर्मचारीसँग सम्बन्धित ऐनका बारेमा तयारीका साथ छलफलमा भाग लिन पनि सांसदहरूलाई अध्यक्ष प्रचण्डले निर्देशन दिएका थिए ।
