काठमाडौं, चैत ११ । नेकपा (एमाले)को सचिवालयको बैठक आज आइतबार बस्दैछ । बैठक पार्टी केन्द्रीय कार्यालय च्यासलमा बिहान ११ः३० बजे बस्ने बताइएको छ ।
उपनिर्वाचनको उम्मेदवारको टुंगो लगाउने, राष्ट्रिय प्रतिनिधि परिषद् बैठकको तयारी, उपनिर्वाचन लगायतका समसामियक राजनीतिक विषयमा छलफल गर्न एमालेले सचिवालय बैठक बोलाएको हो। यसका अतिरिक्त सातौं केन्द्रीय कमिटी बैठक र सचिवालय बैठकका निर्णयहरू सर्कुलर (अन्तरपार्टी निर्देशन) का रूपमा पठाउन पनि बैठक बस्न लागेको एमालेले बताएको छ।
इलाम-२ को प्रतिनिधिसभा र बझाङ-१ को प्रदेशसभा सदस्यका लागि वैशाख १५ गते उपचुनाव हुँदैछ। त्यसमा उम्मेदवार तय गर्न सम्बन्धित जिल्ला र प्रदेश कमिटीबाट उम्मेदवार सिफारिस भएर आएका नामहरूबारे आज छलफल हुने एमालेले जनाएको छ।
